ازيا ويىندارىندا قازاقستاندىق سپورتشىلار توعىزىنشى التىن مەدالدى جەڭىپ الدى, دەپ حابارلايدى قر ۇلتتىق وليمپيادا كوميتەتىنىڭ ءباسپاسوز قىزمەتى.
بۇگىن جاكارتادا كانوە مەن بايداركادا ەسكەك ەسۋدەن فينالدىق كەزەڭدەر باستالدى. 500 مەترگە جارىسۋدا قازاقستان كومانداسى مارە سىزىعىن ءبىرىنشى بولىپ كەسىپ ءوتىپ, «التىنعا» قول جەتكىزدى. بۇل سىندا قازاقستان نامىسىن يليا گولەندوۆ, سەرگەي توكارنيتسكي, الەكسەي دەرگۋنوۆ, ەۆگەني الەكسەەۆ قورعاعان بولاتىن. سپورتشىلارىمىزدىڭ ۋاقىت كورسەتكىشى - 1.24.203.
كۇمىس جۇلدە - وڭتۇستىك كورەيا (1.25.313), قولا جۇلدە يران (1.26.939) قۇراماسىنىڭ ەنشىسىندە.
قازاقستان قۇراماسى ءۇشىن بۇل ازيا ويىندارىنداعى 52-ءىنشى مەدال.ونىڭ ىشىندە 9-التىن, 9 - كۇمىس جانە 34 - قولا مەدال.